Физикадан БДИ биргән 398 әлмәтленең 12 се имтиханда минималь балл җыя алмаган

90 һәм аннан да күбрәк баллны 24 укучы җыйды. «Менеджер» мәктәбеннән Алмаз Насыйбуллин исә 100 балл туплады. Ул математикадан да имтиханны иң яхшы тапшыручы (98 балл).Ә менә инглиз теленнән БДИ тапшырган 67 укучының һәммәсе иң түбән "бусаганы" - 20 баллны җиңде. 5 нче мәктәптән Альбина Шәрипова 100 балл җыеп чит телне яхшы белүен тагын бер кат раслады. 1 нче гимназиядән Камилә Вафинага Альбина белән тигезләшергә 1 балл гына җитмәгән. Физика кебек, инглиз теленнән дә узган ел белән чагыштырганда БДИ күрсәткечләре яхшыра төшкән. Инглиз теленнән район буенча уртача балл 80,5, физикадан - 60.