ТР прокуратурасы мәгълүматларына караганда, төәзтү колониясендә начальник белән аның урынбасары тоткыннарны һәм аларның туганнарын талап яшәгән.
Бу хәл Казанның 2 нче төзәтү колониясендә була. Ике җитәкче шулай итеп 1,5 млн сумнан артык суммага акча һәм кыйммәтле әйберләр талаган. Җинаять эше судка тапшырылган. Тик колония башлыгы ел башында үз-үзенә кул салудан үлгән. Урынбасарга җавап тотарга туры киләчәк.