Бассейнда батып үлгән кызчык гомере 4 ел тора
Хәтерләсәгез, узган елның ноябрь аенда 11 яшьлек укучы кыз дусты белән бассейнга килгән җиреннән исән кайтмады.
Бу хәл Чаллыдагы "Афина" бассейнында булды. Берара дус кызы күз уңыннан югала. Яшьтәше үзе генә аны таба алмагач, бассейн хезмәткәрләренә мөрәҗәгать итә. Кызны бассейн төбеннән табалар.
Бассейнны тәҗрибәле инструктор булмау сәбәпле ябып торырга дип киңәш итсәләр дә, бассейн директоры моңа ризалык бирми. Озак та узмый анда фаҗига була. Баксаң, анда хилафлыклар шактый булган. 16 төрле закон бозу очрагы теркәлгән. Хәзер бассейн эшләүдән туктаган.
Бассейн менеджеры һәм кассирны әлеге үлем очрагы өчен ирегеннән мәхрүм итәргә кирәк дип белдергән прокуратура. Хәзер тикшерү бара.
Следите за самым важным и интересным в Telegram-каналеТатмедиа