Анасын кыйнаган өчен төрмәгә эләккән

Әлмәт шәһәр судында каралган чираттагы эш 47 яшьлек әлмәтлего карата хөкем карары белән тәмамланган.

Тикшерү барышында ачыкланган мәгълүматлар буенча узган 27 сентябреннән 20 ноябренә чаклы хөкем ителгән ир үзенең 1932 елгы анасын кыйнап яшәгән. Өстәвенә, ул аның көчсезлегеннән файдаланып һәрдаим үтерәм дип куркытып та торган. Бер кичне исерек көе типкәләп үк аткан, бармаклары белән күзләрен чокып чыгара язган.

Суд утырышы барышында җинаятьче үз гаебен таныган.

Залда ук сак астына алынган ирне 3 ел ике айга ирегеннән мәхрүм иткәннәр дип хәбәр итә Әлмәт шәһәр суды матбугат хезмәте.