Әлмәт урамнарын ничек чистарталар?

Әлмәттә янәдән кар ява башлады. Аның нәтиҗәләрен бетерү өчен, юлчылар тәүлек әйләнәсе эшлиләр, һәр 12 сәгать саен бер-берсен алыштыралар. Приоритетта тыгыз трафиклы киң урамнар, аннары тар урамнар. 

Юл буендагы машиналар юлчыларга карны чистартырга комачаулый. Ә кайбер участокларга алар хәтта үтә дә алмыйлар. Машина йөртүчеләр, үз чиратында, юл бирергә ашыкмыйлар. 

"Бу бөкене уздык, өченче машина щеткага эләкте, шланг ярылды. Ремонт өчен вакыт китте. Әгәр дә парковкаланган машиналар булмаса, ул  өзелмәс иде", – дип сөйли шофер.

Карлы кыш шәһәр хезмәтләренә эш өстәде. Шофер Айдар икенче елны Әлмәтне кардан чистарта. Һава торышы аркасында юлчылар бөтенләй эшләми кебек тоелырга мөмкин, ди.

"Мондый вакытта  ярты көн яки көн эчендә бөтен карны чистарту реаль түгел", – дип ышандыра Айдар.

Соңгы тәүлектә Әлмәт янә буран каплады, аның нәтиҗәләрен хәзер шәһәрнең автомобиль юллары хезмәткәрләре бетерә. Башта Ленин һәм Шевченко кебек зур трафиклы урамнарны чистарталар. Аннары кечкенәләргә күчәләр. Кар җыю техникасы йөртүчесен алыштыру 12 сәгать тәшкил итә. Кайвакыт шәһәр халкы үзе дә авырлыклар тудыра.

Автомобиль сөючеләрнең барысы да юлчылар очрашкан  авырлыклар  турында белми. Шәһәрнең автомобиль юллары хезмәткәрләренең эш нәтиҗәләреннән канәгать түгел. Урамда техниканы күргән һәм кар җыюга дәгъвасы булмаган кешеләр дә бар.

Әлмәттә мул кар яву нәтиҗәләрен җиңәр өчен көн саен 27-30 берәмлек техника кар җыярга чыга.