Тормыш - яшәеш
Әлмәттә 6 нчы игезәк сабыйларның тууы теркәлде
Яңа туган сабыйларга әти-әнисе Эсмира һәм Ранель исемнәрен кушкан.
Әлмәттә бу ел эчендә алтынчы игезәк сабыйлар туды. Бу хакта Әлмәт ЗАГСы хәбәр итте.
Диләрә һәм Рөстәм Навшервановлар гаиләсендә игезәкләр 14 март көнне туган. Бу аларның гаиләсендә икенче һәм өченче бала. Аларны Эсмира һәм Ранель дип атадылар.
ЗАГС хезмәткәрләре әти-әниләрне икеләтә шатлык белән котладылар һәм Татарстан Республикасы Президенты Рөстәм Миңнехановның котлау хатын һәм туу турында таныклык тапшырдылар.
Фото: Әлмәт ЗАГС идарәсе.
Следите за самым важным и интересным в Telegram-каналеТатмедиа