Әлмәттә вакансияләр ярминкәсендә 180нән артык үсмер катнашкан

Әлмәттә яшүсмерләр, чыгарылыш сыйныф укучылары һәм студентлар өчен вакансияләр ярминкәсе узды. Анда балигъ булмаган балалар бер көн эчендә официант, төзүче һәм каравылчы була, килешү төзи һәм хезмәт хакы ала алдылар. Дөрес, чын-чынлап түгел, ә уенда.

Уенда һөнәр сайларга, хезмәт килешүе төзергә һәм хезмәт хакы алырга була. Вакансияләр ярминкәсендә шулай ук анкета тутырырга һәм потенциаль эш бирүче белән әңгәмә корырга кирәк.

"Укучыларга без даими нигездә вакансияләр тәкъдим итәбез, ягъни безнең 90% хезмәткәребез укый да, эшли дә.   Шулай ук без даими нигездә  җәй вакытында өч айга гына түгел, ә даими эш урыннары да тәкъдим итәбез, – ди  эш бирүче вәкиле Надежда Дубровина.

Балигъ булмаганнар, чыгарылыш сыйныф укучылары һәм студентлар өчен вакансияләр ярминкәләре каникуллар башлану белән ел саен үткәрелә.

"Хезмәт һәм мәшгульлек министрлыгы тарафыннан финанслау өчен акча бүлеп бирелә. Бу елга 900 баланы эшкә урнаштыру өчен 2 050 000 сум бүлеп бирелгән. Без 800 гә якын эш бирүчене чакырдык", - дип сөйләде мәшгульлек үзәге директоры Минсәгыйт Насертдинов.

Чакырылган кешеләр арасыннан бары дүрт эш бирүче генә үз вакансияләрен тәкъдим итте. Балаларга ярдәмче эшче, официант, сатулар агенты һәм кухня эшчесе булып эшләргә тәкъдим итәләр, барлыгы 83 вакансия бар. Ярминкәдә 186 бала катнашты.