Әлмәттәге йортларның берсендә яшәүчеләр түбәдән су агудан зарлана
Яшәүчеләр сыйфатлы ремонт булыр дип өметләнгән, ләкин аларның өметләре акланмаган.
Әлмәттәге йортларның берсендә яшәүчеләр түбәдән су агудан зарлана
Әлмәттә Совет урамындагы 125 нче йортта яшәүчеләр түбәгә капиталь ремонт ясаудан канәгать түгел. Анда түбәне ремонтлаганнар, әмма 29 декабрьдә су үтә башлаган. Биредә яшәүчеләр сыйфатлы ремонт булыр дип өметләнгән, ләкин аларның өметләре акланмаган.
Бу йортта капиталь ремонт эшләре әлегә торак инспекциясе тарафыннан кабул ителмәгән. Бу ремонт тәмамланмаган дигәнне аңлата.
2025 елда капиталь ремонт программасына 896 йорт кертелгән. Эшләр 880 йортта тәмамланган, әмма 713ендә генә кабул ителгән.
Быел 2411 тикшерү уздырылган, 1861 хокук бозу очрагы ачыкланган, 327 күрсәтмә бирелгән. Аларның 165е үтәлгән, ә 27се үтәлмәгән — алар буенча беркетмәләр төзелгән һәм судка җибәрелгән.
Фото: Татарстан торак инспекциясе матбугат хезмәте
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
