Әлмәттә хезмәтләр суүткәргечтә ремонт эшләрен тәмамлады

Әлмәттә коммуналь хезмәтләр суүткәргечтә авария нәтиҗәләрен  бетерде. Авария Фәхретдин һәм Индустриаль урамнары районында булды. Нәтиҗәдә, шәһәрнең күп өлеше сусыз калды. Бу шимбә көнне булды, шул вакытта челтәрдә вакытлыча муфталар куелды һәм янәдән ремонтка кайттылар, алдан ук халыкка эш төнгә кадәр сузылачак дип хәбәр иттеләр.

Әлмәтлеләр эссе көннәрдә сусыз калдылар. Беренче су бетүләр якшәмбе иртәсендә булды. Аны шәһәрнең шактый зур өлеше  сизгән, су җыярга өлгергән.

Авария аркасында шәһәрнең Фәхретдиннән алып, РТС һәм Урсалы микрорайоннарына кадәр шактый өлеше сусыз калган.

Эш ике этапта алып барыла. Беренче чиратта басымны торгызырга кирәк иде. Шуннан соң хезмәтләр авария узелын алыштырырга тиеш.

«Кайбер урыннарда суүткәргеч челтәр максималь тузган. Әлбәттә, торбалар искергән. Ремонтлау өчен дүшәмбе көнне су бирүне туктатырга уйлаган идек. Әмма якшәмбе көнне без, суны япмыйча, аны вакытлыча бетерергә, салкын һава торышын көтәргә һәм барысын да тиешенчә ремонтларга тырышачакбыз дигән карар кабул ителде»,-дип сөйләде «Әлмәт-Водоканал»  генераль директоры Алексей Семенихин.

Эшне шәһәр башкарма комитеты җитәкчесе контрольгә алды. Берничә тапкыр урынга район башлыгы чыкты. Тимур Нагуманов халыкка мөрәҗәгать язып, коммуникацияләр тузганлыгын хәбәр итте.

Әлмәттә суүткәргечтә авариянең сәбәпләре белән прокуратура кызыксына. Урынга прокурорның өлкән ярдәмчесе Илнур Сәитов чыкты. Ведомство авария нәтиҗәләрен бетерүне контрольдә тотты, шулай ук бу хәлнең сәбәпләрен җентекләп тикшерәчәк. Су каналы хәбәр иткәнчә, бу авариянең нәтиҗәләрен бетергәннәр, тәэмин итүне торгызганнар.