2026 елгы Дәүләт Думасы сайлаулары: бюллетеньнәргә микрошрифт өстәләчәк
2026 елда узачак Дәүләт Думасына сайлауларда кулланылачак бюллетеньнәргә махсус микрошрифт өстәләчәк. Татарстан Үзәк сайлау комиссиясе рәисе Андрей Кондратьев сүзләренчә, бу яңа саклану элементы документларны ясалудан ышанычлы саклаячак.
Киләсе, 2026 елда узачак Дәүләт Думасына сайлауларда тавыш бирү бюллетеньнәре яңа саклану системасы белән тәэмин ителәчәк. Татарстан Үзәк сайлау комиссиясе рәисе Андрей Кондратьев республика Иҗтимагый палатасы утырышында чыгыш ясап, документларда яңа саклану элементы — микрошрифт барлыкка киләчәген белдерде.
Аның сүзләренә караганда, бюллетеньдәге барлык юллар махсус микрошрифт белән басылачак. Бу алым элек кулланылган дәүләт билгесе маркасы урынына кертелә. Рәсми вәкил билгеләп үткәнчә, мондый шрифтны ясалма рәвештә күчереп ясау мөмкин түгел.
Шулай да, бюллетеньнәрне рәсмиләштерү кагыйдәләре үзгәрми: аларда участок комиссиясе әгъзаларының ике имзасы һәм УИК мөһере булу шарт. Яңа үрнәктәге сакланган бюллетеньнәр сайлау участокларына тавыш бирүнең беренче көне алдыннан ук китереләчәк, дип хәбәр итә "Татар-информ".
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
