Татарстанда Ватанны саклаганда һәлак булганнарның истәлеген мәңгеләштерү турында закон кабул ителде
Татарстанда Ватанны саклаганда һәлак булганнарның истәлеген мәңгеләштерүнең аерым мәсьәләләрен җайга сала торган закон кабул ителде. ТР рәисе Рөстәм Миңнеханов имзалаган Документ республиканың рәсми хокукый мәгълүмат порталында бастырылган.
Документ һәлак булган Ватанны саклаучылар истәлеген мәңгеләштерү рәвешләрен, бу өлкәдә дәүләт хакимияте һәм җирле үзидарә органнары вәкаләтләрен, шулай ук Татарстан Республикасы Хәтер Китабын алып бару тәртибен билгели.
Закон хәрби хезмәткәрләргә һәм Ватанны саклау буенча хәрби һәм хезмәт бурычларын үтәгәндә хәрби хәрәкәтләр барышында һәлак булган башка затларга, шулай ук Украина, Донецк Халык Республикасы, Луганск Халык Республикасы, Запорожье һәм Херсон өлкәләре территорияләрендә бурычларны үтәгәндә яки Россия территориясенә кораллы һөҗүмнәрне кире кайтарганда һәлак булган махсус хәрби операциядә катнашучыларга кагыла.
Документ нигезендә һәлак булганнарның истәлеге хәрби каберлекләрне төзү һәм төзекләндерү, һәйкәлләр һәм мемориаллар кую, урамнарга, мәйданнарга, географик объектларга һәм оешмаларга аларның исемнәрен бирү, геройлар турында материаллар бастырып чыгару, күргәзмәләр үткәрү һәм алар турында мәгълүматны Татарстан Хәтер китабына кертү юлы белән мәңгеләштерелергә мөмкин.
Закон шулай ук Бөек Ватан сугышы һәйкәлләрендә һәм хәрби каберлекләрдә мәгълүмат табличкаларын мәҗбүри урнаштыруны күздә тота. Аларда тарихи белешмә, Ватанны саклаучыларның батырлыклары турында белешмәләр булырга тиеш, шулай ук өстәмә материалларга сылтамалар белән QR-кодлар да булырга мөмкин, дип хәбәр итә "Татар-информ".
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
