Татарстанлыларның язгы кыр эшләренә әзерлеген март ахырында тикшерәчәкләр
Татарстанда язгы кыр эшләре торышы ни хәлдә?
Татарстан Хөкүмәте йортында узган киңәшмәнең темаларыннан берсе республика аграрийларын язгы кыр эшләренә әзерләү булды. Нотыкчы булып Татарстан Республикасы премьер-министры урынбасары - авыл хуҗалыгы һәм азык-төлек министры Марат Җәббаров чыгыш ясады.
Хәзер Россельхозцентр филиалы тарафыннан орлыкларны актив тикшерү бара-бөртеклеләрнең 93% ы инде тикшерелгән. Быелгы уңыш өчен, көздән кертүне исәпкә алып, гектарга 61 килограмм минераль ашлама тупланган.
Хуҗалыкларның язгы кыр эшләренә әзерлеген тикшерү 23-27 мартка билгеләнгән. Бу вакытка хуҗалыклар авыл хуҗалыгы машиналарын агрегатлауны, тракторларны механизаторлар белән комплектлауны төгәлләргә, имин хезмәт шартлары булдырырга, хезмәт коллективлары белән очрашулар уздырырга тиешләр, дип яза Татарстан Рәисе матбугат хезмәте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia