Татарстанда бер кварталда 26 ялган купюра тапканнар

Татарстанда 2025 елның октябрь, ноябрь һәм декабрь айларында 26 ялган банкнота ачыкланган. Еш кына 5000 сум номиналы купюралары ялган булып чыккан. Бу хакта төбәкнең банк өлкәсендә хәбәр иттеләр.

Белгечләр мәгълүматлары буенча, табылган ялган акчалар арасында 18 купюра биш меңлек булган, тагын җидесе — 1000 сум номиналы, берсе — 2000 сум.

Моннан тыш, банкларда ялган чит ил валютасын ачыклаганнар. Сүз 100 доллар номиналлы ике купюра һәм 10 доллар номиналлы бер купюра турында бара, дип яза Вести Татарстан.