Казан ясалма фәһемне шәһәр электр транспорты эшендә файдаланырга ниятли
Илсур Метшин «Әмәт» һәм «Кремль» метро станцияләрендә булды һәм шәһәр инфраструктурасына яңа технологияләр кертүне бәяләде. Бу хакта Казан мэриясенең матбугат хезмәте хәбәр итә.
Узган ел Казанның шәһәр электр транспортына пассажирлар йөртүнең гомуми күләменнән 36,4% туры килгән. Трамвайлар, троллейбуслар һәм метро бер елда 81,3 миллион кешене күчергән. Аларның 41 миллионы метрога туры килгән.
«Метроэлектротранс» коллективының эш нәтиҗәләре турында сөйләгәндә, шәһәр башлыгы хезмәткәрләрнең катлаулы технологик җиһазларга хезмәт күрсәтүен һәм югары дәрәҗәдәге куркынычсызлык тәэмин итүен ассызыклады.
- Без хәрәкәт составын яңартуга гына түгел, ә ясалма интеллектны куллануны да кертеп, яңа технологик чишелешләргә юнәлдек. Болар барысы да башкала халкына һәм кунакларына хезмәт күрсәтү сыйфатына хезмәт итәргә тиеш, – дип планнары белән уртаклашты Илсур Метшин.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
