2026 елда Татарстанда 96 сәламәтлек саклау объекты ремонтланачак
33 фельдшер-акушерлык пунктын, 33 балаларны тукландыру пунктын һәм 25 стационарны капиталь яңарту планлаштырыла.
2026 елда Татарстанда 96 сәламәтлек саклау объекты ремонтланачак. Бу хакта ТР Хөкүмәте Йортында узган киңәшмәдә хәбәр иттеләр.
Аерым алганда, 33 фельдшер-акушерлык пунктын, 33 балаларны тукландыру пунктын һәм 25 стационарны капиталь яңарту планлаштырыла.
Татарстан Республикасы Төзелеш министрлыгы башлыгы Марат Айзатуллин хәбәр иткәнчә, ФАПларда ремонт инде 18% ка башкарылган.
Эшләр «Озак һәм актив тормыш» милли проекты һәм өч республика программасы буенча алып барыла.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia