Татар-информ
Татарстанда ярминкә сәүдәсе кайчан башланачагы билгеле булды
Татарстанның авыл хуҗалыгы ярминкәләрендә сәүдә 14 мартта яңадан башлана.
Мәйданчыкларның эшен яңадан башлау турында ведомство коллегиясендә Татарстан Республикасы Авыл хуҗалыгы һәм азык-төлек министрлыгы башлыгы Марат Җәббаров сөйләде.
"Авыл хуҗалыгы халыкны һәркем сатып ала алырлык азык-төлек белән тәэмин итеп, социаль йөкләнештә тора. Моңа безнең традицион ярминкәләребез дә ярдәм итә", - дип ассызыклады Җәббаров.
Министр сүзләренә караганда, узган елгы ярминкә сәүдәсе 2 млрд сумнан артык акча китергән. Исегезгә төшерәбез, ярминкәләр «Нәтиҗәле һәм конкурентлы икътисад» милли проекты кысаларында уза.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
