2026 елда Татарстанда иминият пенсиясе ничек исәпләнәчәк?

Татарстанда иминият пенсиясен алу өчен пенсия законнарында билгеләнгән мәҗбүри таләпләр үтәлергә тиеш. Алар арасында иң мөһимнәре – расланган хезмәт стажы һәм җыелган пенсия коэффициентлары (баллар).

Иминият пенсиясе билгеләнү өчен гражданинның ким дигәндә 15 ел рәсми эш стажы һәм 30 пенсия баллы булырга тиеш. Әгәр бу шартларның берсе дә үтәлмәсә, социаль пенсиягә гариза бирергә мөмкин. Ул иминият пенсиясеннән соңрак билгеләнә һәм күләмдә кечерәк була.

Иминият пенсиясе күләме түбәндәге формула буенча исәпләнә:
Пенсия = Билгеләнгән түләү + (Пенсия баллары саны × 1 балл бәясе).

2026 елга билгеләнгән төп күрсәткечләр:

• Билгеләнгән түләү – 9 584,69 сум (стажка һәм балларга бәйле түгел, барлык пенсионерлар өчен бертигез).

• 1 пенсия баллы бәясе – 156,76 сум.

Пенсия баллары хезмәт вакытында рәсми хезмәт хакы һәм стаж озынлыгына бәйле рәвештә туплана. Кеше никадәр озак һәм легаль эшләсә һәм хезмәт хакы никадәр югары булса, баллар да шулкадәр күбрәк җыела.

Мисал:
Әгәр Татарстан ватандашының 35 ел стажы һәм 120 пенсия баллы булса, 2026 елдагы айлык иминият пенсиясе:
9 584,69 + (120 × 156,76) = 28 395,89 сум тәшкил итәчәк.

Бу хакта «Татар-информ»хәбәр итә.