Татарстанның урман хуҗалыгы министры Равил Кузюров хәбәр итте: быел урман тармагы хезмәткәрләре барлыгы 21,1 тонна орлык җыйган: 601,9 кг нарат, 69,3 кг чыршы, 38 кг карагай, 10,1 мең кг имән, 807 кг каен һәм 500 кг карагач орлыгы әзерләнгән.

«Урман орлыклары запасы булдыру» «Татарстан Республикасында урманнары саклау» төбәк проекты кысаларында башкарыла. 2025 елда орлык җыю планы 6 процентка арттырылган. Бөтен орлыклар да Татарстан Республикасында Урманнары саклау үзәгендә тикшерелде, аларның сыйфаты турында сертификатлар бирелде», – ди Равил Кузюров.

Җыелган орлык материалы республиканың урман питомникларында утырту чималы әзерләү өчен кулланылачак.

Искәртеп үтик, «Экологик иминлек» илкүләм проектының «Урманнарны саклау» федераль проекты яшәү өчен уңайлы имин имин шартлар тудыру өчен илдәге урманнарны саклауга һәм арттыруга, шулай ук урман комплексының икътисади потенциалын саклауга һәм үстерүгә юнәлгән.