Татарстанлылар «Минем илем - минем Россиям» конкурсында катнаша ала
Анда илнең барлык төбәкләрендә яшәүчеләр катнашып, үз шәһәрен үстерү буенча инициатива тәкъдим итә ала.
"Минем илем - минем Россиям" XXI Бөтенроссия авторлык проектлары конкурсына старт РФ Федерация Советында бирелде.
Конкурста катнашу төбәк һәм ил үсешенә шәхси өлеш кертергә, мәгълүмати ярдәм алырга, конкурстан соңгы озата бару кысаларында бушлай белем бирү программаларына йөрергә, Россиянең төрле төбәкләреннән фикердәшләр белән танышырга, шулай ук конкурс партнерлары программасы буенча Россия буенча сәяхәткә сертификат алырга мөмкинлек бирә.
Конкурста катнашу өчен гаризалар 2024 елның 30 сентябренә кадәр кабул ителә, дип хәбәр итә оештыручылар.
2024 елгы конкурс һәм номинацияләр турында тулырак мәгълүмат проект сайтында урнаштырылган.
Следите за самым важным и интересным в Telegram-каналеТатмедиа