290 меңнән артык татарстанлы төрле дәрәҗәдәге ГТО билгеләрен алган
Татарстанда ГТО нормаларын гаиләләр белән тапшыралар, чөнки республикада гаилә спорты белән шөгыльләнү өчен бөтен шартлар да тудырылган, шул исәптән кечкенә балалар өчен дә.
Мондый фикерне җиденче чакырылыш Дәүләт Думасы депутаты, Россиянең атказанган тренеры һәм РФ синхрон йөзү федерациясенең элеккеге вице-президенты Ольга Павлова әйтте. Ул «ТИ-Спорт»ка интервью бирде.
«Балалар ата-аналарының ярышуын күрә. Алар балаларына үрнәк. Ә ата-аналар баласының кызыксынып ярышуын күзәтә. Бу бит команда, бердәм гаилә. ГТО белән алты яшьтән башлап шөгыльләнә башладылар, комплекста 11 баскыч булуы сөенечле. Казанда «Салават Күпере» микрорайонында махсус балалар бакчасы бар. Ул ГТО күнегүләре өчен база буларак билгеләнгән. Столбищеда шундый ук база мәктәбе эшли, анда өченче дәрес ГТО белән көчәйтелгән. Безнең республикада ГТО комплексын барлыгы 600 меңгә якын кеше тапшырды, шуларның 290 меңнән артыгы төрле дәрәҗәдәге билгеләр алды», – диде Павлова.
Аның сүзләренчә, ГТО белән зур спорт арасында бәйләнешләр бар.
«Физкультура - җәмгыять мәдәниятенең бер өлеше, ул шактый масштаблы, ул спорт пирамидасының нигезе. Аннан башка зур спорт була алмый. Ә спорт үзе - физик культураның нәтиҗәгә юнәлтелгән иң матур өлеше. Анда бөтенләй башка физик активлык, бөтен нәрсә башка. Андагы кешеләр дә башка, талантлырак балалар, шөгыльләнә генә башлаучылар бик аз. Теләсә нинди җитди шөгыль профессиональ, балет, фән яки спортмы», – дип саный Павлова.
Следите за самым важным и интересным в Telegram-каналеТатмедиа