Әлмәт таңнары

Әлмәт районы

18+
Татар-информ

Татарстан укучылары эшкуарлык һәм финанс мәсьәләләре белән актив кызыксыналар

Россиянең барлык төбәкләреннән 800 меңнән артык мәктәп укучысы "Яшь эшкуар һәм финанс грамоталылыгы" онлайн-олимпиадасының сынау һәм төп турларында катнашты. Алар арасында Татарстан республикасыннан 85 меңгә якын укучы бар.

1-9 сыйныф укучылары өчен ярыш 2021 елның 13 апреленнән 17 маена кадәр барды. Укучылар реаль тормыш ситуацияләрен һәм бизнес-кейсларны модельләштерүче бурычларны хәл иттеләр, шулай ук сыйфатлы финанс продуктлары һәм инструментларын чагыштыру, сайлап алу белән шөгыльләнделәр.

Яшь эшкуарларга гаилә бюджетының маддәләрен билгеләү һәм мошенниклар белән очрашканда  үз-үзеңне дөрес тоту стратегиясен сайлау белән бәйле биремнәр җиңелрәк бирелде, аларны 90% тан артык кеше эшли алган. Шәхси блог алып барганда хезмәттәшлекнең иң отышлы моделен формалаштыру мәсьәләләрен хәл итү кыенрак булды, - моны мәктәп укучыларының 10-20% ы башкарып чыккан. Хезмәт күрсәткән әйберләрне кабат куллану темасы укучыларның 70% ында кыенлыклар тудырган.

Реклама

"Балалар яңа белемнәргә ачык булуларын, финанс яктан белемле булуларын, рациональ һәм практик фикер йөртергә өйрәнергә теләүләрен күрсәттеләр. Бу аларга киләчәктә тәвәккәллек һәм үз акчаларың белән дөрес эш итә белүче уңышлы кешеләр булырга ярдәм итә ала", - дип билгеләп үтте Россия Банкының Татарстан буенча бүлеге идарәчесе Марат Шәрифуллин.

Проект "Учи.ру", Россия Банкы һәм финанс грамоталылыгын үстерү ассоциациясе тарафыннан «Кече һәм урта эшкуарлык һәм индивидуаль эшкуарлык инициативасына ярдәм» милли проекты һәм Россия Икътисадый үсеш министрлыгы ярдәме белән финанс грамоталылыгын үстерү ассоциациясе тарафыннан оештырылган.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса