“Нефтяник” “Лада” командасы белән уйнады

Исәпне “Нефтяник” башлап җибәрде. Михаил Мокин җибәргән алканы Станислав Альшевский каршы команданың капкасына юнәлтте. Беренче период тәмамланырга берничә мизгел калганда Мокин һәм Альшевский дубль ясарга ирешә. Тәнәфестән соң уен шул ук юнәлештә дәвам итә.  Сергей Теряев үз командасына тагын бер очко китерә. Әлеге өстенлекне Данила Цыганов ныгытты һәм исәп 4:0 гә әйләнде. Моңа “Лада” командасы җавапсыз кала алмады. Уен ахырына алар да ике гол кертә алды. Уен 4:2 исәбе белән тәмамланды.

Фото:"Нефтяник" хоккей клубының матбугат хезмәте