Әлмәттә Almetievsk cup турниры уза

Әлеге ярышлар инде сигезенче тапкыр оештырыла.  Биредә катнашу өчен дөньяның 9 иленнән 119  спортчы килгән. Ярышлар Олимпия системасы буенча үткәрелә һәм турнир үз эченә хатын-кызлар һәм ир-атлар турнирында 16 пар буенча сайлап алу һәм төп турны ала.

Спортчыларның күбесе теннис белән профессиональ рәвештә кечкенә вакыттан ук  шөгыльләнә. Шуңа күрә алар инде хәзер үк юниорлар арасында гына түгел, ә өлкәннәр турнирларында да катнаша. Башка илләрдән килүче көндәшләр катнашучыларны куркытмый, ә киресенчә, үзләрен тонуста тотарга ярдәм итә.

Джан Лука Таннер  бу ярышларда катнашу өчен Швейцариядән килгән. Теннис белән ул ун елга якын шөгыльләнә.

- Мин Россия спортчысына каршы уйныйм. Бу ярышларда җиңү яулар өчен  мин бик тырышачакмын, – дип белдерде турнирда катнашучы Джан Лука Таннер.

Фото:https://pixabay.com