Әлмәт командасы адаптив хоккей буенча кубок өчен турнирда көч сынаша

Әлмәтнең «Нефтяник-следж» командасы Татарстанны адаптив хоккей буенча турнирда тәкъдим итә. Ярышлар Чувашия республикасында уза. Уеннар дүрт көн дәвам итәчәк. Идел буеның иң яхшы 12 командасы ике дивизионда – следж-хоккей буенча тугыз команда арасында көч сынаша. Моннан тыш, сукырларның һәм начар күрүчеләрнең өч командасы катнаша. Күрше республикага Саратов, Киров, Пермь, Ижевск, Саранск, Түбән Новгород вәкилләре килде.

Турнирның җиңүчеләре һәм призерлары дипломнар, медальләр, кубоклар һәм призлар алачак. Ярышлар вакытында шулай ук дүрт номинациядә иң яхшы уенчыларны билгеләячәкләр: капкачы, сакчы, тренер һәм һөҗүмче.