Әлмәттә триатлонда 700дән артык спортчы катнашачак

Әлмәттә алтынчы тапкыр триатлон буенча Россия беренчелеге узачак. Спортчылар йөзү, велоузыш һәм йөгерү буенча ярышалар. Катнашучыларга барлык этапларны да тәнәфессез үтәргә туры киләчәк. Ярышларда илнең 20 төбәгеннән 700дән артык спортчы катнашачак. Алар арасында Россия беренчелегендә катнашучылар, терәк-хәрәкәт аппараты зарарланган спортчылар, сукырлар арасында Россия чемпионаты кысаларында катнашучылар бар. Шулай ук Бөтенроссия балалар лигасы һәм һәвәскәр триатлон катнашучылары да булачак.

«Безнең шәһәрдә инде өченче ел рәттән паратриатлетлар арасында ярышлар уза. Быел аларда шулай ук махсус операциянең биш ветераны кушылачак. Әлмәттә терәк-хәрәкәт аппараты зарарланган спортчылар өчен ярышлар үткәрү өчен барлык шартлар да тудырылды»,-дип билгеләп үтәләр район башлыгының матбугат хезмәтендә.

Әлмәтлеләрне спортчыларга ярдәм итәргә чакыралар. Ярышлар шәһәр күлендә узачак. Ярышлар 15 һәм 16 июньдә узачак. 8:00 сәгатьтә башлана.

Фото: Әлмәт районы башлыгы матбугат хезмәте