Әлмәт районында ГТО нормаларын тапшыру өчен яңа спорт мәйданчыгы ачылачак

Әлмәт районында ГТО нормаларын тапшыру өчен спорт мәйданчыгына җиһазлар урнаштыру төгәлләнә, дип хәбәр итә ТР Спорт министрлыгы матбугат хезмәте.

«ГТО» комплексын башкару өчен спорт мәйданчыгы травматик резин катламнан тора, анда урнаштырылган урам тренажерлары комплекты бар. Объектның мәйданы 352 кв. метр тәшкил итә.

Спорт мәйданчыгы «Демография» милли проектының «Спорт-тормыш нормасы» федераль проектын гамәлгә ашыру кысаларында төзелә.

«Спорт – тормыш нормасы» проектының максаты – 2024 елга Татарстанда даими рәвештә физкультура һәм спорт белән шөгыльләнүче гражданнарның өлеше күрсәткечләрен 57% ка кадәр җиткерү (федераль проект-55%).