18 сентябрьдә "Татнефть Әлмәт ярыммарафоны 2021" узачак
18 сентябрьдә Әлмәттә алтынчы тапкыр ярыммарафон узачак. Традиция буенча ул «музыкаль» булачак — йөгерешчеләрне бөтен дистанциядә музыкаль озату көтә.
Timerman спорт сезонының иң музыкаль старты ел саен бөтен республикадан һәм илдән 1000нән артык кешене җыя. Быел спортчылар көчләрен 3, 10, 21.1 дистанцияләрендә сыный алачак, шулай ук TIMERKIDS балалар узышы булачак. Ярыммарафонга старт Нефтьчеләр мәйданы янында 13:30 сәгатьтә биреләчәк.
Трасса буенда берничә музыкаль ярдәм ноктасы урнашачак: вокалчылар, барабанчылар, халык коллективлары йөгерүчеләргә көч биреп торачак. Финишта спортчыларны җирле коллективлар катнашында зур концерт көтә.
Әлмәт ярыммарафоны 2021-TIMERMAN спорт сезонының соңгы стартларының берсе. 25 сентябрьдә Tour de Tatarstan Kazan 2021 велоузышы узачак, ә сезон 10 октябрьдә сериянең иң күркәм йөгереш старты — 2021 милли ярыммарафоны белән тәмамланачак.
Чаралар расписаниесен сайтта белергә мөмкин.
Следите за самым важным и интересным в Telegram-каналеТатмедиа