Әлмәттә Кыш бабай призына грек-рим көрәше буенча ярышлар узды

Яшь спортчылар өчен ярышлар "Күңелле стартлар" рәвешендә үткәрелде, анда балалар бер-берсе белән җитезлек, тизлек, көч, чыдамлык, командада эшли белү буенча ярыштылар.

Биредә тренерлары Вадигуллин Айрат Зөфәр улы һәм Сабаев Михаил Сергеевичтан даими тренировкалар вакытында алган барлык күнекмәләр кирәк булды.

Стартлар, чыннан да, күңелле килеп чыкты - хис-тойгылар һәм дәрт ярышучыларны үзенә тартып алды!

Ярышта дуслык җиңде!

Барлык кечкенә җиңүчеләр дә истәлекле кубоклар һәм медальләр белән бүләкләнде.