Чистай районында автотрассада «Renault Logan» шоферы маневрның куркынычсыз булуына инанмый торып алдагы машинаны узарга чыга һәм «Toyota» маршруткасы белән бәрелешә. Нәтиҗәдә 29 яшьлек шофер идарә иткән микроавтобус кюветка оча, ә җиңел машинага шактый нык зыян килә. 75 яшьлек шофер бабай урында һәлак була, аның 75 яшьлек хатынын авыр хәлдә Чистай район шифаханәсенә алып китәләр. Юл-транспорт һәлакәтендә катнашучылар Башкортстаннан һәм Әлмәттән булып чыга.