Башкортстаннан Казанга килүче пассажир автобусы янып беткән [+ВИДЕО]
Татарстанда янгын чыгу сәбәбен тикшерәләр: кичә трассада Башкортстанның Күмертау шәһәреннән Казанга баручы пассажир автобусы янып беткән.
![Башкортстаннан Казанга килүче пассажир автобусы янып беткән [+ВИДЕО]](/resize/shd//images/uploads/news/2017/10/18/cf49822530a3aa3efc9021eefbb59f3c_XL.jpg)
Гадәттән тыш хәлләр министрлыгының Татарстан буенча Дәүләт баш идарәсеннән хәбәр итүләренчә, "Неоплан" пассажир" автобусының януы турында 3:13 сәгатьтә хәбәр ителә. Гадәттән тыш хәл М-7 трассасының 1134 нче чакрымында булган. "Сәламәтлегенә зыян килүчеләр һәм үлүчеләр юк", - дип җиткерә коткару хезмәте.
Автобус тулысынча янып беткән. Анда 35 пассажир, шул исәптән 4 бала да була. Аларны вакытлыча Актаныш районындагы Пучы авыл мәдәният йортына урнаштырып торалар.
Янгын транспорт чарасының төзексезлеге аркасында килеп чыккан дип фараз кылына. 1992 елгы транспорт иминиятләштерелгән. Зыян - 500 мең сум.
Пассажирлар башка автобус белән Казанга озатылган.
Следите за самым важным и интересным в Telegram-каналеТатмедиа