Быел Әлмәт урамнарыннан 168 000 куб кар чыгарылды

Быел Әлмәт урамнарыннан узган ел белән чагыштырганда өч тапкыр күбрәк кар чыгарылды. Мондый мәгълүматны шәһәр автомобиль юллары идарәсе китерә. Ел башыннан полигонга 168 000 куб кар чыгарылган. Бу күләмнең җиденче өлеше соңгы өч көндә генә чыгарылган – бу 24 000 куб. Хезмәткәрләр тәүлек әйләнәсе эшлиләр. Урамнар чират буенча чистартыла.

"Хәрәкәт күп булган урамнар беренче чиратта чистартыла. Анда транспорт чаралары да, кешеләр дә бик күп йөри, мондый урамнарда социаль объектлар бар – бу хастаханәләр, бу безнең үзәк урамнар булган мәктәпләргә керү юллары", – диде автомобиль юллары идарәсенең баш инженеры Рафис Нуришанов.

Көн саен 45 берәмлек техника сменага чыга. Юлчылар халыкка юл хезмәтләре эшенә аңлап карарга һәм мөмкин булса, техниканың эшен күргәч, чистарту зонасында үз автомобильләрен калдырмаска чакыра.