2022 елда Әлмәттә штрафлар түләмәүчеләргә 636 эш кузгатылган

Узган ел Әлмәт автоинспекторлары штрафларны түләмәүчеләргә карата административ хокук бозулар турында 636 эш кузгаткан. Судта шуларның 449ын карадылар һәм һәр хокук бозучы 15 тәүлеккә акчалата түләтүдән алып, транспорт чарасын конфискацияләүгә кадәр җәза алды.

Штраф түләмәүчеләр өчен КоАПның 20.25 маддәсе нигезендә җәзаларның сыгылмалы системасын күздә тотыла: ике тапкыр түләнмәгән штраф суммасыннан алып, 15 тәүлеккә арестка кадәр.

"Исегезгә төшерәбез, РФ КоАП 32.2 статьясындагы 1 өлеше нигезендә административ штрафны административ штраф салу турындагы карар кергән көннән 60 көннән дә соңга калмыйча административ җаваплылыкка тартылган зат түләргә тиеш", – дип хәбәр итте РФ эчке эшләр министрлыгының Әлмәт районы буенча дәүләт автоинспекциясе бүлеге начальнигы урынбасары Андрей Лиманский.

Узган ел Әлмәт автоинспекторлары административ хокук бозулар турында 636 эш кузгаткан. Кулга алынганнардан һәм штрафка тартылганнардан тыш, суд залыннан мәҗбүри эшләр билгеләнгән 55 кеше дә бар иде. Әгәр түләмәүче штрафларын түләмәсә, ул машина йөртү таныклыгын, машинасын да югалтырга мөмкин.  

Әлмәттә инде мондый хәл булган. Уртак рейд вакытында бер әлмәтленең машинасы штрафстоянкага куелган. Ул аукционда сатылырга да мөмкин. Керемнәрнең бер өлеше штраф түләүгә тотылачак, чөнки  автомобиль йөртүченең исерек килеш йөргән өчен 30 мең сум бурычы бар.