Дәүләт автоинспекциясе хезмәткәрләре Әлмәттә пассажирлар йөртү кагыйдәләрен тикшерделәр

Законнарны үтәүче машина йөртүчеләр бүләкләр ала. Ә юл хәрәкәте кагыйдәләрен үтәмәгән кешеләр – штрафлар. Әлмәт юлларына тематик рейдка дәүләт автоинспекциясе хезмәткәрләре чыкты. Аның барышында пассажирлар йөртү кагыйдәләрен санга сукмаган өчен квитанцияләрне ике хокук бозучы алган.

"2022  елның 11 аенда автобуслар катнашында 4 юл-транспорт һәлакәте булган, аларда 2 кеше һәлак булган һәм 6 кеше имгәнгән. Автобус йөртүчеләр гаебе белән 2 юл-транспорт һәлакәте булган, аларда 3 кеше җәрәхәтләнгән", - дип хәбәр итте РФ Эчке эшләр министрлыгының юл-патруль хезмәте инспекциясенең аерым юл-патруль хезмәте взводы командиры Рамил Сәфәров.

СУ-5 боҗрасы-автоинспекторлар ешрак постка баса торган урыннарның берсе. Монда пассажир транспортының иң тыгыз агымы үзәтелә. Инспекторлар  юл хәрәкәтендә катнашу хокукын раслаучы гамәлдәге диагностик карталарны, пассажирлар йөртү өчен лицензияне тикшерәләр.