Үлемгә китергән юл-транспорт һәлакәтендә гаепле әлмәтле хөкем ителде

Судта узган елның 29 июнендә хөкем ителүченең исерек хәлдә булуы, салонында 5 пассажир булган «ВАЗ-213100» маркалы автомобиль белән идарә итүе ачыкланган, шул исәптән балалар өчен махсус җайланмасыз утырган 2018 елгы кечкенә бала да булган.

"Казан-Оренбург" автомобиль юлының 236 километрында әлмәтле автомоблиь белән аек булмаган хәлдә идарә итә. Юл хәрәкәте кагыйдәләрен бозып, каршы як юлга чыгып сулга борылганда, каршы як полоса буенча хәрәкәт итүче «ГАЗ-32213» маркалы автомобильгә юл бирми. Нәтиҗәдә, һәлакәттә гаепләнүченең машинасы кюветка барып каплана.

Кечкенә пассажир һәлакәт урынында вафат була, салонда булган тагын ике кеше авыр тән җәрәхәтләре ала.

Шул ук вакытта элек хөкем ителүче 1 елга һәм 6 айга транспорт чаралары белән идарә итү хокукыннан мәхрүм ителгән. Суд утырышы барышында ул үз гаебен тулысынча таныды, кылган гамәлләре өчен үкенүен күрсәтте.

 Аңа, 3 елга транспорт чаралары белән идарә итү хокукыннан мәхрүм итеп, колония-поселениедә 6 ел 1 айга ирегеннән мәхрүм итү рәвешендә җәза билгеләнгән.