Әлмәтлеләр физкультурачылар көнен “Сәламәтлек” йөгерү акциясе белән билгеләп үтте

Бу юлы старт сызыгына медицина профилактикасы үзәге, медсанчасть, үзәк район хастаханәсе, перинаталь үзәкле балалар хастаханәсе, 3 нче поликлиника һәм ашыгыч ярдәм станциясе хезмәткәрләре басты. Кросс шәһәрнең 60, Татарстан нефтенең 70 еллык юбилейларына багышланды. ЦРБның ЭВМ операторы Марина Талипова өчен физик культура - хобби да, стимул чыганагы да, күңел ачу белән беррәттән җитди гамәл дә. Аның яраткан дистанциясе - 400 метр. Сәламәтлек саклау министрлыгы уздырган спартакиадаларда актив катнашучы Марина җиңел атлетика буенча беренче разрядка ия.