Әлмәт ашыгыч медицина ярдәме станциясенә яңа автомобиль кайтарылды

Идел буе дәүләт физик культура, спорт һәм туризм университеты мәйданчыгында Татарстан республикасы рәисе Рөстәм Миңнеханов Татарстан  медицина учреждениеләренә яңа ашыгыч медицина ярдәме автомобильләре ачкычларын тапшырды.

Әлмәт ашыгыч медицина ярдәме станциясенә яңа В класслы автомобиль бирелде. Авто медицина җиһазлары белән комплектланган , алар пациентларга юлда ук кирәкле ярдәм күрсәтергә мөмкинлек бирә.

Sollers Atlantic фургоннары базасында ашыгыч медицина ярдәме автомобильләре сатып алу турындагы карарны Рөстәм Миңнеханов кабул итте, дип хәбәр итә Әлмәт районы башлыгы матбугат хезмәте.

Фото: Әлмәт районы башлыгы матбугат хезмәте