Быел Әлмәт янында ФАП төзеләчәк, тагын өч пункт ремонтланачак

Әлмәт районының Холодная Поляна, Нагорный һәм Иске Михайловка ФАПлары 2024 елда ремонтланачак. Шулай ук Ямаши авылындагы табиб амбулаториясен яңартачаклар. Моннан тыш, Ерак Ивановкада ФАП төзергә планлаштыралар.

Эшләр «Сәламәтлек саклау» илкүләм проекты ярдәмендә башкарылачак.

— Бу чаралар җирле халыкка медицина ярдәменең уңайлылыгын һәм сыйфатын яхшыртуга юнәлдерелгән,-ди Әлмәт районы башлыгының матбугат хезмәте.

Фото: Әлмәт районы башлыгы матбугат хезмәте