Төчкерү файдалымы?
Билгеле булганча, төчкерү - ул тумыштан килгән рефлекс. Ул борынны тузаннан, аллергеннардан һәм төрле зәһәр матдәләрдән саклый.
Төчкергәндә сулыш юлында басым менә, ә борыннан чыккан һава тизлеге 120-130 км/сәгатькә җитәргә мөмкин.
Күзне ачкан килеш төчкереп булмый. Әлеге процесс вакытында күзләр үзеннән-үзе йомыла. Ә менә йоклаганда төчкереп булмый дигән сүзләр - бары миф кына. Билгеле, йоклаганда безнең әлеге рефлексны уятырлык сәбәпләр азая, ләкин, мисал өчен, печәнлектә йокласагыз, төчкерергә мөмкин.
Бертуктамый төчкерү - гадәти хәл. Ешрак 3-4 тапкыр төчкерәләр. Әмма тарихта ике көн бертуктамый төчкергән ханым да билгеле.
Төчкерәсе килеп тә төчкерә алмаганда, кояшка яки утка карагыз.
17 нче гасырда Европада төч-кертә торган тәмәке модада була. Әлеге яңалык Русиягә дә килеп җитә: Елизавета Петровна һәм Екатерина II үзеннән соң «табакерка»ларның зур коллекциясен калдырган.
Төчкерү - бик кирәкле процесс. Кайбер кеше сулыш органнары чирләре аркасында бу рефлекстан колак та кагарга мөмкин. Билгеле, кеше янында төчкерү - рәхәт күренеш түгел, шулай да бу рефлекс булуга сөенеп яшәргә кирәк.
Следите за самым важным и интересным в Telegram-каналеТатмедиа
Оставляйте реакции
