Әлмәттә гомуми практика табибы офисы һәм педиатрия кабинеты ачылачак

"Объект Алсу микрорайонына, Агропоселокка, Петуховкага хезмәт күрсәтәчәк. Эчке эшләр тәмамланган диярлек, тышкы эшләр дә башкарылды. Мебель урнаштыру, газ тоташтыру калды. Озакламый лицензия алачакбыз", - диде район башлыгы туры эфир вакытында.

Учреждениедә эш ике юнәлештә башкарылачак — өлкәннәр һәм балалар өчен — икешәр табиб һәм өстәмә медицина хезмәткәрләре каралган.

"Педиатрия кабинеты  аеруча нәни әлмәтлеләр өчен уңайлы булачак. Элек педиатрга күренү өчен балалар поликлиникасына йөрергә туры килә иде. Кирәкле беренче ярдәмне йорт янәшәсендә алырга мөмкин булачак", - дип хәбәр итте Тимур Нагуманов.

Фото: ТР Әлмәт районы матбугат хезмәте