Авыздан тимер тәме килү сәбәпләре

1.  Авыз куышлыгында гингивит, пародонтит кебек авырулар башланырга җыенган мәлдә авыздан тимер тәме килеп ала.

2. Борында полип, синусит булганда, салкын тигәндә, колак авыртканда шулай ук тимер тәме пәйда була.

3. Организмда цинк күләме җитмәсә яки артып китсә, авыздан тимер тәме килә башларга мөмкин. Мәсәлән, цинк күләме артып китсә, күңел болганып, тимер тәме килә башлый.

4. Бөер белән бавыр дөрес эшләмәгәндә дә авызда тимер тәме була.

5. Аннан бу күренеш хатын-кызның йөклелек чорында күзәтелә. Бу вакытта гормоннарда үзгәрешләр башлана.