Әлмәт каратистлары аттестация уздылар

24-25 апрель көннәрендә Әлмәттә каратистлар өчен семинар һәм уку дәрәҗәсенә аттестация үткәрелде. Чарада каратэ буенча кекусинкайның 7 дан иясе сихан — Россия каратэ берлегенең Төньяк-Көнбатыш федераль округы вице-президенты Георгий Захаров катнашты.

Сихан Әлмәт «Сейкен»клубы  каратистларының яхшы әзерлекле булуларын билгеләп үтте. Уку-тренировка семинарыннан соң спортчыларның күбесе уку дәрәҗәсенә аттестациядә катнашты. Спорт чарасында барлыгы 70 спортчы катнашты.