Лимон иснәгез! Файдалы!

Кешеләр аны авырган вакытта чәйгә салып эчәләр, аш-су кайнатканда һәм тәмле-тәмле салатлар ясаганда кулланырга яраталар. Тик лимонның үзенчәлеге моның белән генә чикләнми.
Черем итеп алганда яныңа лимон кую сәламәтлек өчен файдалы. Цитрус исе нерв системасын тынычландыра, ару-талудан арындыра һәм яшәү көче өсти. Аны даими рәвештә күкрәк тутырып иснәү хәтерне яхшырта һәм акыл эшчәнлеген тизләтә.
Моннан тыш, лимон югары кан басымы белән интегүчеләргә беренче ярдәм булып тора. Кайбер очракларда аны бактерияләргә һәм бөҗәкләргә каршы кулланалар.