Яшь ярымлык баланы урлаганнар! Белүчеләр юкмы?

Әти кеше 2 июль көнне кич белән әнисе эштә чагында малайны урлый. Ул әбидән малай белән йөреп килергә рөхсәт сорый һәм аны машинасына утыртып, билгесез якка алып китә. Малайның туганнары хәзерге вакытта аларның Ульяновскида булу ихтималын әйтәләр.

Булган хәлне әни кешегә полицейскийлар хәбәр итә. Күргән кешеләр машинаның «ундүртле» булуын һәм якынча номерын әйтәләр (в447?м 16 регион).

Малай турында ни дә булса белүчеләрнең шушы телефон аша шалтыратуларын сорыйлар: 8927 - 488-78-26.