Җәй узып бара: кайда очсызга ял итеп була?

Ларнака, Кипр

Мисыр һәм Төркиягә ялга очып булмаганлыктан, әлеге илгә юлламаларга сорау 116,5 % ка ук арткан ди белгечләр.

Август- сентябрь айларында әлеге утрауда ял итү бер кеше башына 34,5 мең сумга барып төшәчәк. Әмма бу бәягә ашау кермәгән.

Суның температурасы +25-27 градус, ә Кипрда һава торышы +28-30 градус җылы булачак. Кипрга баручыларга бушлай про-виза кирәк булачак.

Тиват, Черногория

Кипрга караганда биредә бераз суыграк була: +25-27 градус. Әмма бюджет ягыннан очсызгарак барып төшә - 33 мең сум. Моңа самолет бәясе, ательдәге урын һәм иртәнге аш керә.

Варна, Болгария

«Москва - Варна - Москва» маршруты нибары 12 мең сум гына. Ә ательдәге урын 13 мең сум торачак.

Болгария буенча сәяхәт итү өчен виза да кирәк - 35 евро.

Симферополь

Чит ил паспорты булмаучыларга безнең курортларны карарга була.

Мәсәлән, Симферопольдә бер атналык ял 19,3 мең сум тора.

Сочи

Монда бәяләр шактый югары - бер атна ял бер кешегә 27,4 мең сумга барып төшә.

Августта һава температурасы +25-27 градус, ә суныкы - +22-24 градус.

Анапа

Анапада һава температурасы югарырак, көндез 30 градус җылы булырга мөмкин.

Ә бәясенә килгәндә иң очсыз ял 19,5 мең сум тора. Әмма ашаулы ательдә яшәү өчен тагын 16,5 мең сум өстәп түләргә кирәк булачак ( бер кешегә 7 көнгә).