Сайлау участокларында нәни әлмәтлеләрне бүләклиләр [+ФОТОЛАР]

Киңәшмәле тавыш хокукы белән булган комиссия әгъзасы Лилия Әхмәтҗанова сүзләренчә, биредә халыкның активлыгы бигрәк тә иртәнге якта күзәтелгән.
- Сайлау участогы ачылган мәлдә биредә хәтта зур булмаган чират та җыелган иде, - ди ул.
Тагын бер кызыклы факт - шәһәрдән бераз читтәрәк урнашкан әлеге сайлау оучастогында халыкның активлыгы җәмәгать транспорты эшчәнлеге белән бәйле.
- Автобус килдеме - сайлаучылар күпләп була, болай көн дәвамында даими килгәләп торалар, - диләр биредә.
Ел да сайлау участогына әти-әниләренә ияреп килгән нәни әлмәтлеләрне күчтәнәч белән сыйлыйлар. Шулай итеп киләчәгебез булган балаларда актив гражданлык позициясе тәрбиялиләр.

- Мин сайлауларны калдырмый йөрим. Әлбәттә, программалары белән тулысынча килешкән кандидатлар өчен тавыш бирәм. Бу мөһим. Бәхеткә, андый кандидатлар бар бездә, - ди Техснаб бистәсендә яшәүче Ранас Солтанов.