Район башлыгы инвалид-спортчыларны хуплады

Следж хоккей яки чанада хоккей уйнау командасы туплаган бер төркем әлмәтлеләр чит районнардан тренировкаларга килүче спортчылар өчен вакытлыча яшәп тору урыны бүлеп бирүләрен сорап Айрат Хәйруллинга мөрәҗәгать итте. Бозда күнекмәләр сентябрь аенда башланып, майга кадәр дәвам итәчәк икән. Район башлыгы аларның башлангычын хуплап, инвалид-спортчыларга барлык шартларны тудырырга кирәклекне ассызыклады һәм тиешле службаларга якын арада бина табу буенча күрсәтмәләр бирде.