Полиция 12 яшьлек кызга һөҗүм итүчене эзли

Бу хәлне Түбән Камадагы 1 нче ДЮСШ янындагы видео камера төшергән. Таныш булмаган бер адәм иптәш кызлары белән тренировкага баручы кызга йодрыклары белән ташланган. Ул кызга дүрт тапкыр суккан. Кыз егылгач та ир-ат аңа аяклары белән тибүен дәвам итә һәм аннан соң ул тиз генә кача. Шушы ук көнне шәһәрдә "Перехват" планы игълан ителә. Табиблар кызның умыртка сөягенә зыян килүен әйтә.