Җәмгыять
Әлмәттә – яңа җитәкче
Бүген шәһәргә республиканың авыл хуҗалыгы һәм азык-төлек министры урынбасары Ришат Хәбипов килде. Ул Әлмәт авыл хуҗалыгы һәм азык-төлек идарәсенә яңа җитәкче билгеләнүен хәбәр итте һәм аның белән таныштырды.
Әлегә кадәр идарәгә Извил Әнәс улы Габдрәкыйпов җитәкчелек иткән иде. Министр урынбасары да, район башлыгы Айрат Хәйруллин да аның эшчәнлегеннән канәгать калуларын җиткерделәр һәм Рәхмәт хатлары тапшырдылар, яңа эшендә дә уңышлар теләделәр. Хәзер Әлмәттә авыл хуҗалыгы һәм азык-төлек идарәсен Наил Миргасыйм улы Усманов җитәкләячәк. Ул моңа кадәр Балык Бистәсе районында баш ветеринария табибы булып эшләгән.
Следите за самым важным и интересным в Telegram-каналеТатмедиа
Оставляйте реакции
