Әлмәттә Ванга туган?!

Соңгы айларда иң популяр исемнәр булып Әлмәттә Алиса, Ясминә, Алина, Анастасия һәм Сафия булган. Ә менә үзгә исемнәр шактый: Севилия, Юстина, Мелина, Левангелия (кыскача Ванга), Милисса, Стефанида, Мелита, Далила, Маремьяна, Эрика.

Быел Әлмәттә игезәкләр дә аз туган. Ел башыннан 18 игезәк сабый туса, узган ел бу вакытта инде 26 андый бала булган. Аның каравы быел нефтьчеләр каласында сирәк күренеш - өч игезәк туды. 16 май көнне Вәлиуллиннар гаиләсендә ике кыз һәм бер малай дөньяга килде.