Әлмәттә узган атнада агуланып 4 кеше үлгән
Узган атнада республикада ОРВИ белән авыруның 8333 очрагы теркәлгән. Авыручылар саны аннан алдагы атна белән чагыштырганда 37,8 процентка арткан.
Ә менә эчәк авырулары кими төшкән. Аның белән 381 кеше медицина ярдәме сорап мөрәҗәгать иткән.
ВИЧ-инфекция буенча Роспотребнадзор исемлегендә бу юлы да әлмәтлеләр бар. Узган атнада шундый бер очрак теркәлгән.
Агуланулар буенча Әлмәт икенче урынын югалтмый. Республика буенча теркәлгән 55 химик этиология агулануының 9 ы нефтьчеләр башкаласына туры килә. Алкоголь һәм составында спирт булган эчемлекләр белән республикада 24 кеше агуланган, шуның 4 есе әлмәтлеләр. 3 якташыбызның гомере шул рәвешчә өзелгән. Ә бер кеше углерод окисе белән агуланып үлгән.
Следите за самым важным и интересным в Telegram-каналеТатмедиа
Оставляйте реакции
